Мы сведкі 100-годдзя Нацыянальнай бібліятэкі Беларусі

15 верасня 2022 года Нацыянальная бібліятэка Беларусі адзначыла 100-годдзе свайго існавання. Гэтая знакавая дата, якая нават унесена ў спіс памятных дат ЮНЕСКА.

На працягу ўсяго юбілейнага года ў бібліятэцы арганізавана і праводзіцца мноства разнастайных мерапрыемстваў. Цікавасць да іх праявілі і студэнты 4 групы 3 курса факультэта прынттэхналогій і медыякамунікацый БДТУ. За падзеямі, што адбываюцца ў галоўнай бібліятэцы краіны, сачылі праз яе сайт і наведалі адну з выстаў «Дыяменты стагоддзя: з бібліятэчнай калекцыі», што размешчана ў атрыуме 2-га паверха. На гэтым выставачным праекце прадстаўлены літаратурныя бестселеры, газеты і часопісы, графіка і плакатнае мастацтва, створаныя ў перыяд з 1922 па 2022 год.