Літаратурны клуб “Ветліца” праводзіць
“Лірычныя сустрэчы ў Тэхналагічным”
“Ода бацьку
Пад такой назвай былі праведзены два мерапрыемствы, прысвечаныя Дню бацькі. Літаратурна-музыкальныя кампазіцыі прагучалі 21.10.24 у 16.00 і 22.10.24 у 12.00 для студэнтаў першай і другой змены. Месца правядзення – кабінет літаратурнага клуба “Ветліца”.
“Бацька”. “Бацькаўшчына”. “Бацькоўства” – гэта вельмі важныя словы для кожнага беларуса, для кожнага чалавека. І як важна, што ў нас, нарэшце, з’явілася свята – Дзень бацькі, якое адзначаецца 21 кастрычніка, дзе мы можам выказаць сваю любоў і павагу да бацькі, падзяку роднаму тату, прачытаць вершы, прысвечаныя татам, праспяваць песні ў гонар бацькоў.
Тыдзень бацькоўскай любові пачаўся 14 кастрычніка, калі мы адзначалі Дзень маці і заканчваем святкаваннем Дня бацькі.
Вельмі важная роля бацькі ў сям’і: бацька ў сям’і – гэта сіла, розум і апора. Для сына бацька – узор смеласці, вытрымкі, велікадушша,для дачкі - першы прыклад мужчынскіх паводзін.
Бацька – усяму галава. Званне бацькі важнае і ганаровае. Патрэбна ганарыцца ім і памятаць аб гэтым.
Пра ўсё гэта гаварылі падчас мерапрыемстваў. Студэнты чыталі вершы знакамітых аўтараў і членаў клуба на беларускай і рускай мовах, спявалі песні, адказвалі на пытанні віктарын і інш.
.jpg)
