Візіт дэлегацыі з Універсітэта Пардубіце

У кастрычніку Беларускі дзяржаўны тэхналагічны універсітэт наведалі прадстаўнікі хіміка-тэхналагічнага факультэта Універсітэта Пардубіце (Чэхія) для наладжвання супрацоўніцтва ў навуковай і адукацыйнай сферах. Дэлегацыя азнаёмілася з працай розных падраздзяленняў універсітэта, у тым лiку кафедры паліграфічных вытворчасцей. Калектыў кафедры прадставіў калегам з Чэхіі свае навуковыя распрацоўкі ў галіне сінтэзу лічбавых выяваў, мадэлявання друкарскага працэсу і інфармацыйнай ацэнкі адбіткаў. Таксама была праведзена экскурсія па вучэбна-вытворчай лабараторыі кафедры.