12 лютага (нядзеля) замежныя навучэнцы БДТУ поруч з тысячамі беларускіх балельшчыкаў падтрымлівалі беларускіх тэнісістак у змаганні за перамогу.
Матч самага прэстыжнага каманднага турніра БЕЛАРУСЬ – НІДЭРЛАНДЫ адбыўся на “Чыжоўка-Арэне”, якая выглядала надзвычай святочна і ўрачыста. Беларускія тэнісісткі Аляксандра Сасновіч і Арына Сабаленка ўпэўнена перамаглі знакамітых нідэрландскіх саперніц і прынеслі перамогу беларускай камандзе.
На міжнародным чэмпіянаце можна было ўбачыць беларускіх студэнтаў, супрацоўнікаў і некалькі чалавек з адміністрацыі БДТУ. Прысутнічаў на чэмпіянаце і Прэзідэнт Рэспублікі Беларусь. Усе актыўна падтрымлівалі беларускіх тэнісістак, асаблівай эмацыянальнасцю вызначаліся бангладэшскія студэнты. Усім навакольным вельмі спадабалася, што замежнікі так шчыра перажывалі за перамогу Беларусі.
Атмасфера свята, радасці, урачыстасці, перамогі, бадзёрасці і аптымізму аб’яднала ўсіх прысутных, стварыла цудоўны настрой, умацавала гонар за Беларусь.
Матэрыял падрыхтавала Савіцкая Н.Я. (кафедра беларускай філалогіі)