Белорусский государственный
технологический университет
Belarusian State Technological University
ОИВР
Наука
21 лютага – Міжнародны дзень роднай мовы

Міжнародны дзень роднай мовы

 

Запрашаем на выставу!!!

21 лютага, корпус 4, паверх 4, рэкрэацыя

 21 лютага ва ўсім свеце адзначаецца Міжнародны дзень роднай мовы. Сумная гісторыя ў гэтай даты. У 1952 годзе ў Бангладэш (былы ўсходні Пакістан) прымусова была ўведзена мова урду замест роднай мовы бангла. Гэта выклікала пратэст насельніцтва. Падчас хваляванняў пяцёра студэнтаў, якія змагаліся за наданне бенгальскай мове статусу дзяржаўнай і адстойвалі права навучацца на роднай мове, былі застрэлены паліцыяй. Адбылося гэта 21 лютага. Тыя пяць хлопцаў, што загінулі за сваю мову, сталі нацыянальнымі героямі і пакутнікамі. Цяпер мове бангла знікненне не пагражае.

У 2000 годзе ЮНЕСКА абвясціла 21 лютага Міжнародным днём роднай мовы. Паводле ацэнак ЮНЕСКА, палова з 6 тысяч моў свету сёння  знаходзіцца пад пагрозай знікнення. ЮНЕСКА мае намер стварыць сістэму адсочвання стану моў, садзейнічае абароне і захаванню ўсіх моў народаў свету, заахвочвае захаванне моўнай разнастайнасці, існаванне шматмоўнай адукацыі.  

 

Я ведаю:
Нядобрых моў няма,
У кожнай мілагучнасць ёсць і сіла,
Якая песняроў ускаласіла
І мудра зберагла,
Каб не скасіла
Іх не хлусня,
Ні слава,
Ні турма.

Я слаўлю мову,
Што яднання дар
Дала і акадэміку, і цеслю.
І ў думках нават я не перакрэслю
Чужую споведзь і чужую песню,
Якія зразумець мне лёс не даў.

Як самая дакладная з навук,
Нам мова праз стагоддзі захавала
Пах палыну,
І тонкі звон метала,
Арліны клёкат,
Гулкі гул абвала –
Усё, што пераліта ў кожны гук.

І правіла прыдумалі не мы,
Што там,
Дзе не шануюць роднай мовы,
Мялеюць рэкі,
Нішчацца дубровы,
Каля магілак пасвяцца каровы,
Народ там мёртвы,
А той край – нямы.
Быць у пустэльні не жадаю я.
І не хачу я мець сяброў бязмоўных,
Бо на зямлі ў нас столькі моў чароўных,
Малення поўных
І здзіўлення поўных,
Усіх пявучых
І ўсіх − галоўных.
І толькі так −
Як роўная між роўных −
Жыць можа мова родная мая.

Генадзь Бураўкін

 


Опубликовано: 20.02.2020
Больше по рубрике
Профориентационная работа кафедры белорусской филологии (факультет ПиМ)
29.11.2023
Посещение Большого театра оперы и балета
27.11.2023
Прафарыентацыйная работа кафедры беларускай філалогіі (факультэт ПіМ)
24.11.2023
Экскурсия в Национальный исторический музей Республики Беларусь
16.11.2023
Автобусная экскурсия по Минску
16.11.2023
“Хутчэй, вышэй, мацней – разам”. Студэнты ПіМ у Алімпійскім музеі
09.11.2023
Удзел у Рэспубліканскім фестывалі творчасці замежных студэнтаў устаноў вышэйшай адукацыі “F.- ART.by”
09.11.2023
На смачны кусочак знойдзецца раточак
27.10.2023
Воспитательная работа кафедры белорусской филологии с иностранными слушателями
20.10.2023
Экскурсія ў Нацыянальную бібліятэку Беларусі
18.10.2023