8 лютага 2017 года замежныя навучэнцы (грамадзяне Бангладэш і Пакістана) разам са старшым выкладчыкам кафедры беларускай філалогіі Савіцкай Н.Я. наведалі ХХІV Мінскую міжнародную кніжную выставу-кірмаш. Выстава ўразіла цудоўнымі павільёнамі з найноўшай літаратурай, выдадзенай у розных краінах свету.
Навучэнцы-замежнікі праяўлялі зацікаўленасць усім:
- звярнулі ўвагу на матэрыялы, прысвечаныя 500-годдзю беларускага і ўсходнеславянскага кнігадрукавання,
- паспрабавалі свае сілы, працуючы на друкарскім станку, аналагічным таму, на якім выдаваў свае кнігі Францыск Скарына,
- спыніліся каля экспазіцыі, прысвечанай творчасці Янкі Купалы і Якуба Коласа,
- шмат распытвалі пра першага беларускага нобелеўскага лаўрэата ў літаратуры Святлану Алексіевіч.
Аднак асноўнай падзеяй для іх стала ўручэнне студэнтцы БДТУ Значонак Дар’і Дыплома пераможцы літаратурнага конкурсу “Першацвет”. Замежнікі далучыліся да маштабных віншаванняў, сказалі маладой пісьменніцы і свае цёплыя словы.
У канцы экскурсіі навучэнцы з захапленнем паслухалі ігру ірландскіх валыншчыкаў, а таксама беларускія народныя песні ў выкананні асіповіцкага ансамбля “Люлечка”.
Матэрыял падрыхтавала Савіцкая Н.Я.
(кафедра беларускай філалогіі)
