NEW YORK — MIENSK

Беларускі Інстытут Навукі і Мастацтва (Belarusian Institute of Arts and Sciences) у Нью-Ёрку выпусціў чарговы нумар навукова-папулярнага альманаха аб беларускай эміграцыі “Запісы 36”.

Прэзентацыя выдання, якое дасылаецца ва ўсе вядучыя бібліятэкі свету, адбылася ў Беларускім дзяржаўным архіве-музеі літаратуры мастацтва 14.04.2014 г. У мерапрыемстве бралі ўдзел дырэктар Дэпартамента па архівах і справаводству Міністэрства юстыцыі Рэспублікі Беларусь У.І. Адамушка, дырэктар БДАМЛіМ Г.В. Запартыка, а таксама гісторыкі і літаратуразнаўцы, чыя праца цесна звязана з архіўнымі даследаваннямі.

У прэстыжным замежным выданні змешчаны шэраг матэрыялаў, падрыхтаваных загадчыкам кафедры беларускай філалогіі БДТУ дацэнтам Трусам М.В., якія сабраны ў ходзе шматгадовай працы з замежнымі і айчыннымі архівамі і прадстаўляюць беларускую грамадска-культурную чыннасць у Еўропе першай паловы ХХ ст.