26 сакавіка 2025 г. у 1-м інтэрнаце адбылася прэзентацыя першага камп’ютарнага зборніка вершаў студэнта 2-га курса факультэта ТАР Козела Андрэя. Да гэтай сустрэчы Андрэй добра падрыхтаваўся. Зрабіў камп’ютарны зборнік твораў і міні-буклет, які ў канцы сустрэчы падараваў прысутным студэнтам. Прыгожа,эмацыянальна і вельмі прадумана выступаў перад аўдыторыяй. А поўная зала з заміраннем сэрца слухала радкі, напісаныя ад шчырага сэрца іх аднагрупнікам, аднакурснікам, які пераадольваючы хваляванне, дзяліўся сваімі таемнымі думкамі і пачуццямі.
Кіраўнік літаратурнага клуба Савіцкая Н.Я. расказала пра працу Андрэя ў літаратурным клубе (удзел у конкурсах, выступленні на канцэртах, розных мерапрыемствах, перша публікацыя твораў у літаратурна-мастацкім альманаху “AVE” і інш.).
А 7 красавіка 2025 г. у 2-м інтэрнаце адбылася прэзентацыя другога камп’ютарнага зборніка вершаў студэнта 4-га курса лесагаспадарчага факультэта Міхаіла Лебядзько. Да сустрэчы Міхаіл падрыхтаваў другі камп’ютарны зборнік вершаў ( першы меў назву “Через тернии к звёздам”)і міні-буклет, які ў канцы сустрэчы падараваў прысутным студэнтам, загадчыцы другога інтэрната, выхавальніцы і літаратурнаму клубу.
Міхаіл цудоўны прамоўца, валодае аратарскім майстэрствам, таму і на гэты раз умомант авалодаў аўдыторыяй, расказваючы пра сябе, чытаючы свае вершы, ведучы дыялог з аўдыторыяй.
Кіраўнік літаратурнага клуба Савіцкая Н.Я. расказала пра дзейнасць Міхаіла ў літаратурным клубе (гэта ўдзел у міжнародных, рэспубліканскіх і ўніверсітэцкіх конкурсах, выступленні на канцэртах у БДТУ, на рэспубліканскіх выставах, розных мерапрыемствах, першая публікацыя твораў у літаратурна-мастацкім альманаху “AVE” і інш.).
Аўдыторыя з увагай і цікавасцю слухала вершы Міхаіла, студэнты адказвалі на пытанні аўтара, выказаліся з высокай ацэнкай творчасці Міхаіла.
У завяршэнне сустрэчы Міхаіл уручыў міні-буклеты са сваім подпісам усім жадаючым.
Дзякуй выступоўцам і ўсім прысутным за сяброўскую падтрымку.
Студгарадок БДТУ.
