Музейны пакой гісторыі Беларускага дзяржаўнага тэхналагічнага ўніверсітэта — гістарычная скарбніца нашай альма-матар. У лістападзе 2005 года ў сувязі з 75-годдзем Беларускага дзяржаўнага тэхналагічнага ўніверсітэта кіраўніцтвам ВНУ было прынята рашэнне аб аднаўленні працы экспазіцыі музейнай гісторыі БДТУ.

23 лістапада 2005 года на ўрачыстым адкрыцці музейнага пакоя прысутнічала кіраўніцтва БДТУ на чале з ганаровым рэктарам, прафесарам Іванам Міхайлавічам Жарскім (1986—2016), а таксама ганаровыя госці, сярод якіх быў рэктар Ташкенцкага хіміка-тэхналагічнага інстытута, рэктар Іванаўскага дзяржаўнага ўніверсітэта , рэктар Расійскага хіміка-тэхналагічнага ўніверсітэта і іншыя.

У 2020 годзе завяршылася рэканструкцыя залы гісторыі і ўтварэння БДТУ - экспазіцыя ўніверсітэта папоўнілася новымі гістарычнымі экспанатамі. Зала карыстаецца папулярнасцю не толькі ў студэнтаў і супрацоўнікаў ВНУ, але і ў гасцей універсітэта, якія з задавальненнем пакідаюць водгукі і дзеляцца ўражаннямі ў Ганаровай кнізе.