19 сакавіка 2026 года ў Нацыянальным дзіцячым тэхнапарку прайшоў гранд-фінал 15 сезона Рэспубліканскага маладзёжнага інавацыйнага праекта "100 ідэй для Беларусі". Гэтае мерапрыемства сабрала маладых талентаў з усёй краіны.

Беларускі дзяржаўны тэхналагічны ўніверсітэт быў прадстаўлены ў чатырох намінацыях: "Хімічныя тэхналогіі, нафтахімія", "Энергетыка,атамная энергетыка,энергаэфектыўнасць", "Экалогія (рацыянальнае прыродакарыстанне і глыбокая перапрацоўка прыродных рэсурсаў)", а таксама "Нацыянальная бяспека і абарона ад надзвычайных сітуацый".

Шэсць праектаў ад БДТУ паспяхова прайшлі абарону:

	Павышэнне энергетычнай эфектыўнасці сушыльнай камеры за кошт прымянення сістэмы геліяпаветрападагрэву (Астроўская Дар'я)
	Адзіная навігацыйна-ідэнтыфікацыйная нумарацыя апор вонкавага асвятлення для экстранных службаў (Машкін Максім і Савасцюк Цімафей (БДУ))
	Лесатаксацыйнае дэшыфраванне сасновых дрэвастояў па матэрыялах лідарнай і оптыка-электроннай здымкі з выкарыстаннем метадаў штучнага інтэлекту (Шульга Кацярына)
	Лёгкаплаўкае шкло для спаяў  (Касцючэнка Аліна)
	Выкарыстанне будаўнічага кварцавага пяску ў вытворчасці шкляной тары (Боўтуць Кацярына)
	Комплексная перапрацоўка жалезнага купарваса  (Варанцоў Раман)

Па рашэнні Рэспубліканскай экспертнай рады, пераможцамі сталі:
• У намінацыі «Хімічныя тэхналогіі, нафтахімія» (2 катэгорыя) перамогу атрымала Аліна Касцючэнка з праектам «Лёгкаплаўкае шкло для спаяў».
• У намінацыі «Нацыянальная бяспека і абарона ад надзвычайных сітуацый» (3 катэгорыя) перамаглі Максім Машкін і Цімафей Савасцюк (БДУ) з праектам «Адзіная навігацыйна-ідэнтыфікацыйная нумарацыя апор вонкавага асвятлення для экстранных службаў».

Віншуем усіх удзельнікаў і пераможцаў з паспяховым выступленнем і жадаем далейшых поспехаў у іх навуковай дзейнасці!