Каманда БДТУ заняла 2-е месца на заключным этапе акселерацыйнай праграмы «Тэхнахаб» (моладзевы трэк), які праходзіў 13 снежня 2024 г. на базе «Паўночнага (Арктычнага) федэральнага ўніверсітэта імя М. У. Ламаносава» ў горадзе Архангельску (РФ).

Праграма накіравана на паскарэнне росту стартапаў і бізнес-праектаў на працягу кароткага перыяду часу, а таксама адукацыйнаму суправаджэнню, арганізацыйна-метадычнаму забеспячэнню студэнцкіх стартапаў і фарміравання ўстойлівага інавацыйнага прадпрымальніцкага асяроддзя.

 Асноўная спецыялізацыя праграмы "ТэхнаХаб" звязана з інжынернымі распрацоўкамі ў галіне энергетыкі і будаўніцтва, заснаванымі на ўкараненні штучнага інтэлекту. Падчас праграмы праходзілі трэнінгі, семінары і лекцыі, прамежкавыя адборы і трэкінг-сесіі.

Зборная каманда студэнтаў-распрацоўшчыкаў праекта Жук Ганны і Старавойтава Ільі, а таксама студэнтаў-менеджараў Гарбуковай Аліны і Крыўчэні Лізаветы, разам з лідарам праекта Французавай Анастасіяй і настаўнікам Расохам Яўгенам Вячаслававічам спаборнічала за месца ў фінале сярод 60 каманд акселерацыйнай праграмы.

Каманда БДТУ паспяхова прайшла ўсе этапы адбораў і на дэма-дні прадставіла праект − ParkGuard: web-платформа анлайн-маніторынгу парушэнняў правілаў паркоўкі.

Шчыра хочам выказаць сваю падзяку намесніку дырэктара Вшэніг Гуліеву Рамілю Зафаравічу за прадстаўленую магчымасць, усебаковую падтрымку і дзелавое ўзаемадзеянне! Прыміце нашу глыбокую ўдзячнасць за паспяховае супрацоўніцтва і высокі прафесіяналізм у сумеснай працы!

Упэўнены, што нашы партнёрскія ўзаемаадносіны атрымаюць далейшае развіццё і будуць садзейнічаць умацаванню сувязі навукі і адукацыі – важных складнікаў падрыхтоўкі высокакваліфікаваных спецыялістаў для рэальнага сектара эканомікі!