3 красавіка у актавай зале Беларускага дзяржаўнага тэхналагічнага ўніверсітэта адбыўся фінальны этап «Фестывалю народаў свету 2026».

Гэтае мерапрыемства стала сапраўдным святам крэатыўнасці і артыстызму, дзе студэнты прадставілі свае культурныя традыцыі праз яскравыя выступленні.
Кожная каманда ўдзельнікаў старанна рыхтавалася, распрацоўваючы ўнікальныя творчыя нумары, якія ўключаюць танцы, песні, сцэнкі і тэатральныя пастаноўкі.
Удзельнікі выкарыстоўвалі нацыянальныя касцюмы і рэквізіт, каб максімальна дакладна перадаць асаблівасць сваёй культуры. Гэта стварыла незабыўную атмасферу і дазволіла гледачам пагрузіцца ў традыцыі розных народаў.

Сцэна актавай залы стала пляцоўкай для выступленняў каманд, ствараючы атмасферу духу спаборніцтва і сяброўства, дзе кожны мог прадэманстраваць свае здольнасці і крэатыўнасць. Каманды прадставілі свае нумары перад гледачамі і журы.
"Фестываль народаў свету 2026" у БДТУ стаў не толькі святам творчасці, але і важнай платформай для культурнага абмену і ўзаемаразумення паміж студэнтамі розных нацыянальнасцей. Ён падкрэсліў важнасць адзінства і сяброўства сярод народаў, што асабліва актуальна ў сучасным свеце.

Усе ўдзельнікі атрымалі заслужаныя сертыфікаты ўдзельнікаў і салодкія прэзенты, што стала прыемным завяршэннем яскравай падзеі.
А пераможцамі сталі: трэцяе месца заняла каманда "БЮСУЛД"; другое - "Усмешка М'янмы", а абсалютным чэмпіёнам і ўладальнікам першага месца стала каманда "Фантастычная Сямёрка".
Гэты фестываль яшчэ раз пацвердзіў багацце культурнай разнастайнасці і сілу адзінства.