12 снежня 2024 года навучэнцы падрыхтоўчага аддзялення медыка-фармацэўтычнага профілю (грамадзяне Туркменістана, якія вывучаюць у БДТУ рускую мову) разам з выкладчыкамі кафедры беларускай філалогіі (факультэт ПіМ) наведалі Музей гісторыі медыцыны Рэспублікі Беларусь. Навучэнцы даведаліся, як развівалася медыцына са старажытных часоў да нашых дзён. Асаблівую цікавасць выклікалі розныя медыцынскія інструменты і адзенне сястры міласэрнасці. Несумненна, гэтая экскурсія была вельмі карыснай для нашых навучэнцаў, якія надалей будуць спрабаваць стаць студэнтамі медыцынскага ўніверсітэта.