12 красавіка 2025 года ў Беларускім дзяржаўным тэхналагічным універсітэце прайшоў Дзень адчыненых дзвярэй, прысвечаны інжынерным класам. Гэта мерапрыемства сабрала навучэнцаў інжынерных класаў, якія хочуць даведацца больш аб магчымасцях, якія прадстаўляюцца нашым універсітэтам.

Дзень пачаўся з вітальнага слова першага прарэктара БДТУ Андрэя Андрэевіча Саковіча. У сваёй прэзентацыі ён распавёў пра гісторыю ўніверсітэта, яго дасягненні і адукацыйныя праграмы. Асаблівая ўвага была ўдзелена ўступнай кампаніі 2025 года, дзе абмяркоўваліся змены і новаўвядзенні, якія чакаюць будучых абітурыентаў.

Пасля ўступнага слова Андрэя Андрэевіча, дэканы факультэтаў далі больш падрабязную інфармацыю аб спецыяльнасцях і напрамках падрыхтоўкі. Гэта дазволіла навучэнцам атрымаць поўнае ўяўленне аб умовах навучання і перспектывах працаўладкавання.

Школьнікі змаглі наведаць выставу дасягненняў БДТУ, дзе азнаёміліся з работамі студэнтаў і выкладчыкаў, а таксама даведаліся аб навуковых праектах і інавацыях універсітэта.

Для навучэнцаў 11-х класаў інжынернай накіраванасці студэнты і выкладчыкі правялі майстар-класы. Удзельнікі паспрабавалі свае сілы ў такіх заданнях, як вызначэнне арганалептычных паказчыкаў вады, даследаванне ахоўных элементаў друкаванай прадукцыі, даведаліся, што такое магія Фарадэя, і як зарадзіць мабільны тэлефон падчас апакаліпсісу, навучыліся вызначаць якасць сыру, раскрылі сакрэты вырабу паперы, акунуліся ў загадкавы свет палімераў. Гэтыя практычныя заняткі дазволілі ўдзельнікам не толькі даведацца пра сучасныя тэхналогіі і метады працы ў інжынернай сферы, але і паспрабаваць сябе ў ролі інжынераў на практыцы.

Дзень адчыненых дзвярэй у БДТУ стаў важным і насычаным мерапрыемствам, які даў ўдзельнікам каштоўную інфармацыю і ідэі.